Сината супермесечина, редок астрономски феномен синоќа се појави на небото. Првата од четирите супермесечини оваа година, која е и т.н. сина месечина, на некои места стана црвена.

Кога орбитата на Месечината ќе ја приближи до Земјата повеќе од вообичаено, оваа космичка комбинација се нарекува супермесечина.

Супермесечината е полна месечина во месечевата орбита која е најблиску до Земјата, а сината месечина е втората полна месечина во еден календарски месец или четири полни месечини во една сезона, што се случува еднаш на секои две до три години.

Во текот на супермесечината, месечината изгледа 14 отсто поголема и 30 отсто посветла во споредба со она кога е најоддалечена од Земјата.

Августовската полна месечина има неколку имиња – супермесечина, сина месечина и месечина на есетрата.

„Супер“ се однесува на орбитата на Месечината, што ја доближува малку поблиску до Земјата овој месец, зголемувајќи ја нејзината големина и сјај. „Сина“ значи дека ова е трета од четирите полни месечини оваа сезона, што е необична појава. Што се однесува до „есетра“, тоа се однесува на индиското име за августовската полна месечина, пишува „Ју-ес-еј тудеј“.

По оваа супермесечина, следната ќе биде на 18 септември, потоа на 17 октомври, а последната супермесечина во годината ќе биде на 15 ноември.

Покрај супермесечината, во септември ќе има и делумно затемнување на месечината.

Времето помеѓу супер сините месечини може да биде долго и 20 години – но генерално, 10 години е просек.

Супермесечината се јавува кога орбитата на Месечината е најблиску до Земјата во исто време кога Месечината е полна. Терминот го смисли астрологот Ричард Нол во 1979 година.

Сина супермесечина на 19 август: Утре нè очекува величествена глетка на небото