Фото: EPA-EFE/ENNIO LEANZA

ФОТО | Заљубениот Ричард Гир не се „одлепи“ од 34 години помладата сопруга на црвениот тепих

Холивудскиот актер Ричард Гир пристигна со сопругата Алехандрa Силва на филмскиот фестивал во Цирих, каде се одржа премиерата на филмот „Wisdom for Happiness“. 75-годишниот Гир не можел да ги сокрие емоциите и нежноста кон неговата сопруга, која е 34 години помлада, а со која има два сина.

Фотографите ги снимиле нивните допири и прегратки на црвениот тепих.

Фото: EPA-EFE/ENNIO LEANZA
Фото: Anita Bugge / INSTAR Images / Profimedia

Актерот и 41-годишната Алехандра се венчаа во 2018 година. Сопружниците имаат два сина, 5-годишниот Александар и една година помладиот Џејмс, додека Алехандра од претходниот брак го има 9-годишниот Алберт, а Гир го има 24-годишниот Хомер.

Гир минатиот месец го прослави својот 75-ти роденден. Во оваа прилика со емотивна објава на Инстаграм се огласи и неговата Алехандра. „Мојот живот е подобар со тебе“, напиша сопругата на Ричард.

“Среќен роденден, љубов на мојот живот! По 11 неверојатни години заедно, сè уште се чувствувам како првиот ден кога се запознавме. Патувањето што го споделивме, убавото семејство што го изградивме и спомените што ги направивме се повеќе од што можев некогаш да сонувам. Со тебе животот ми е подобар во секој поглед и многу сум благодарна што те имам. За уште многу години заедничка љубов, смеа и среќа. Со многу љубов Але“, напишала неговата сопруга и објавила заедничка фотографија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот