Модната дизајнерка Викторија Бекам го прослави својот 50. роденден на 17 април, а во саботата направи голема роденденска забава во луксузниот приватен клуб „Освалдс“ во елитната населба Мејфер во Лондон.

Иако при влегувањето во клубот делувала малку скршено, таа блеснала во полупроѕирен фустан без ракави во зелена боја. Оваа спектакуларна креација ја искомбинирала со сребрени и златни нараквици на секој зглоб и ја обликувала својата долга кафена коса во брановидна форма.

Таа пристигна во клубот со целото нејзино семејство – сопругот Дејвид Бекам, синовите Бруклин (25), Ромео (21) и Круз (19) и 12-годишната ќерка Харпер.

Мажите од ова популарно семејство биле свечено облечени, но Круз особено се истакнал во бел смокинг. Харпер, пак, изгледала софистицирано во бел сатенски фустан.

„Едвај чекам да славам со моите пријатели и семејството! Многу ве сакам сите“, напиша Викторија покрај сликите.

На забавата присуствуваа поранешните членки на музичката група „Спајс грлс“, каде членуваше и самата Викторија – Ема Бантон, Мел Си, Мел Би и Гери Халивел. Исто така, меѓу славните ѕвезди беа и Ева Лонгорија, Гордон Ремзи, Том Круз и многу други.

Еден од впечатливите моменти бил кога Круз, како вистински џентлмен со манири, му помогнал на еден од папарацо фотографите, кој паднал додека се обидувал да ги фотографите познатите гости на забавата.

Во три и пол часот наутро, Дејвид ја изнел Викторија на грб од клубот и оставиле впечаток дека навистина се забавувале во текот на ноќта.