Француски пар убеден дека нивниот дом е прогонуван од дух, повеќе од еден месец спиел во мал шатор на балконот од нивниот стан, пренесува „Le Progres“.

Патриша, Дејвид Ц. и нивните две деца се преселиле во стан во општината „Replognes“ во септември минатата година. Нивниот нов дом бил простран, добро осветлен и модерен, но семејството не уживало долго во него бидејќи почнале да се случуваат бизарни работи.

Патриша тврди дека нејзината ќерка започнала да гледа чудни работи низ куќата набргу откако се вселиле, а по некое време целото семејство се уверило дека во нивниот стан се одвива некоја паранормална активност.

Ain : pensant leur appartement hanté, ils dorment dans une tente sur leur balcon depuis un mois ! https://t.co/rRpkxYD3Bn

— R. ?argot ✞ ?? #Z (@Reine_Margot2) July 9, 2021

Работите наводно станале толку лоши што морале да постават шатор на балконот за да спијат мирно, а го користат повеќе од еден месец, пренесува „Оddity Central“.

„Почна со црни сенки. Тогаш стана сè погласно: светлото ќе се изгасеше сомнително, телевизорот ќе се вклучеше, телефонот ѕвонеше сам без причина, садовите ќе испуштаа чудни звуци…“, рекол парот за весникот „Le Progres“.

Заситени од „паранормални појави“, тие побарале услуга од таканаречена „магнетизаторка“, која користела магнетна енергија за откривање духови. Откако „магнетизаторката“ извршила увид во станот, им рекла дека е прогонуван од „заробениот“ дух на жена од 19 век, која сакала да си оди во другиот свет.

Бидејќи парот не можел да се пресели, а компанијата што управува со зградата тврдела дека сè е во ред со станот, бидејќи претходно бил изнајмен двапати без инциденти, парот решил да спие во шатор.