Заврши 38-то издание на фестивалот „Макфест“, викендов Штип живееше во духот на макфестовските евергрини кои се слушаа речиси низ целиот град.

Во Домот на културата „Ацо Шопов“ во Штип на двете фестивалски вечери (20 и 21 октомври) настапија млади, надежни, но и еминентни музички имиња – Владо Јаневски, Вера „Љубојна“, Александар Тарабунов, Андријана Јаневска, Ламбе Алабаковски и Полина Тасева во дует, Бојана Скендеровски, Таско, Симона Попоска, Марија Спасовска, Александра Трајческа, Blue, Драгана Јовановска, Тијана Периќ, Јасмин Алиевски…

На првата фестивалска вечер настапија 13 млади музички имиња, а петмина се квалификуваа за настап и на финалната вечер. Младите музички имиња настапија со модерни песни, што го прави овогодинешниот „Макфест“ спој на различни музички стилови.

На првата фестивалска вечер настапија 13 млади музички имиња, а петмина се квалификуваа за настап и на финалната вечер. Младите музички имиња настапија со модерни песни, па овогодинешниот „Макфест“ беше спој на различни музички стилови.

Музичкиот ветеран Владо Јаневски, верувале или не, по 38 години настапи на макфестовската сцена на одушевување на публиката. Јаневски секогаш буди носталгија и на посебен начин ја разнежнува публиката, а овој пат имаше настап во кабаре стил, со песната „Златни години“.

Впечатлив настап имаа Ламбе Алабаковски и Полина Тасева во дует, Бојана Скендеровски, Андријана Јаневска, Александар Тарабунов кој со крилја на себе лебдеше над сцената, Вера „Љубојна“…

Андријана Јаневска на фестивалската сцена се врати по пауза од 15 години, изведувајќи ја нумерата „И без тебе можам“.

Инаку, втората вечер беше од ревијален карактер што значи дека немаше гласања, односно немаше доделување на награди. Фестивалот втора година по ред, помина без награди.

На годинашниот „Макфест“ имаше само една награда – најслушана песна меѓу два фестивала.

Песната „Bella“ на Лара Иванова и и Христијан Настески – Пајак беше прогласена за најслушана песна меѓу две изданија на фестивалот „Макфест“. „Bella“ има импресивни 25 милиони прегледи на Јутјуб.

Лара и Пајак ја добија и единствената парична награда на фестивалот во висина од 120.000 денари, односно околу 2.000 евра, која им беше врачена на макфестовската сцена.

Водители на „Макфест“ оваа година беа Марјана Станојковска и Димитар Атанасовски, а во текот на втората вечер како водители се појавија Светлана Црнокрак, Миро Кацаров и Вера Јанковиќ, која отпеа еден познат макфестовски рефрен, а пак штипската публика ѝ возврати со долги и силни аплаузи на единствената Јанковиќ, која пред десет години го водеше фестивалот.

Макфестовската сцена годинава изгледаше светски.

Заврши првата вечер на „Макфес“т: Вечерва, финале без гласање

ФОТО | Лара и Пајак добија 120.000 денари од „Макфест“ за најслушана песна меѓу два фестивали