Славниот американски актер Том Круз им се обратил преку телефон на репрезентативците на Англија за да ги поддржи во финалето на ЕП 2020, каде Англија и Италија ќе ги одмерат силите на „Вембли“.

Ова го откри капитенот Хари Кејн, кој вечерва ќе го предводи својот тим на овој историски натпревар.

– Очигледно е дека нѐ поддржуваат поранешните играчи, а исто така ни се јави и Том Круз. Не знаевме дека тој го сака фудбалот – изјавил Кејн за Би-би-си.

England aim to be Euro ‘Top Guns’ after call from Tom Cruise | Football News https://t.co/zRcBiRiOja

— Web News (@wn24in) July 10, 2021

Англичанецот вели дека гестот на холивудската ѕвезда Том Круз е многу убав.

– Имавме среќа затоа што сите сме погледнале барем еден од неговите филмови. Мислам дека тој е во Велика Британија и ни се јави само за да му посака најдобро на тимот. Тоа беше убаво од него – додал Кејн.

Инаку, Том Круз вчера се појави и на финалето во тенис на Централниот терен на Вимблдон помеѓу Ешли Барт и Каролина Плишкова. Фотографиите што го обиколија светот, го покажаа Круз како насмеано седи на трибините, ги поздравува бројните обожаватели и аплаудира по победата на Барти над Плишкова.