Големиот вселенски телескоп Џејмс Веб би требало да ги открие тајните на универзумот од неговите најрани моменти, но во понеделникот НАСА објави нови фотографии направени од „Веб“ во нашето соседство.

На фотографиите е прикажан Јупитер преку инфрацрвените камери на телескопот, кои вообичаено се користат за откривање ѕвезди, маглини и други далечни вселенски тела кои се премногу студени или премногу оддалечени за да бидат во видливиот спектар.

На една од фотографиите се прикажува темната позадина на вселената и дава детален приказ на нејзината турбулентна атмосфера. Така можете да ги видите и аурорите на половите, а Големата црвена дамка, односно огромната бура, е бела на оваа фотографија бидејќи рефлектира многу сончева светлина на оваа композитна фотографија и е на многу поголема надморска височина, како и други светли облаци.

 

View this post on Instagram

 

A post shared by NASA (@nasa)

Втората фотографија ни дава нешто поширока слика, но и подетален приказ на прстените на Јупитер, кои се неколку милиони пати побледи од планетата. А на фотографијата се и двата сателита – Адрастеа и Амалтеја.

Веб неколку пати нè воодушеви со фасцинантни фотографии од вселената, пред три недели светот имаше приказ на исклучително необична галаксија Тркало, светол објект кој се наоѓа на 500 милиони светлосни години од Земјата, а настанал како резултат на судир на две галаксии.

Телескопот Веб штотуку почна да ги осветлува тајните делови на нашиот универзум, а со текот на времето дури и ќе ни помогне во потрагата по вонземјани. Патувањето, несомнено, само што започна!

Повеќе написи на темата:

ФОТО: Погледнете ги најдеталните фотографии од универзумот досега кои ги објави НАСА

Фасцинантна глетка: Телескопот Џејмс Веб со нова детална слика од исклучително необична галаксија