Честитки до претседателот на Руската Федерација, Владимир Путин, по повод неговиот 73-ти роденден денес се појавија на три LED билборди во центарот на Ниш. Граѓаните известуваат дека билборд со честитки до Путин има и на улицата Матејевац, пишува „Јужне вести“.

На три дигиталните екрани се наоѓа фотографијата на Путин, како и пораката: „Среќен роденден, претседателе!“. Потписот гласи: „Друштво на српско-руско пријателство „братство“.

Во Ниш, само Друштвото на српско-белоруско пријателство е регистрирано под името „Братство“, чиј правен застапник е поранешниот градски советник и портпарол на Дирекцијата за јавен превоз, Ненад Станковиќ.

Во согласност со Одлуката за рекламирање на територијата на градот Ниш, за какво било поставување визуелни пораки во јавен простор потребна е  претходна согласност од  градската самоуправа во Ниш, од каде медиумот не добил потврда дека е издадена соодветна дозвола за овие билборди, ниту пак одговор за тоа кој е нарачателот и колку се платени билбордите.

Според податоците од последниот попис на населението во Србија, во Ниш живее само 121 Русин. И покрај ова, на локалните избори минатата година, Руската партија, на која нема Руси, се кандидираше како кандидат на малцинството, освои еден мандат и „пресуди“ дека коалицијата собрана околу СНС ќе ја преземе власта во градот.

View this post on Instagram

 

A post shared by Južne vesti (@juznevesti)