ФОТО | Со трамвај до паб: Кејт и Вилијам уживаа во чаша пиво
Принцот и принцезата од Велс уживаа во друштвото на обожавателите со чаша пиво, фотографирајќи се во пабот „Дог енд Дак“ во центарот на Лондон. Смеејќи се и шегувајќи се со присутните, кралската двојка изгледаше опуштено и спокојно.
Препорачано
Посетата на Кејт и Вилијам во пабот беше да се поддржи работата на угостителската индустрија во пресрет на крунисувањето. Тие до пабот пристигнаа со трамвај преку линијата „Елизабета“. За време на посетата, над пабот прелетуваше хеликоптер, а полицијата имаше поставено кордони., пишува „Би-би-си“.
„Едноставно ги добивате најдобрите разговори во пабот… сите се опуштени. Никогаш не знаете кого ќе сретнете“, рекол принцот Вилијам додека разговарал внатре во пабот.
Пабовите, рестораните и хотелите се надеваат на голем профит за време на крунисувањето. Претседателот на „Конгресот на синдикатите“, Пол Новак, претходно оваа недела потсети дека прославата за крунисувањето ќе зависи од милиони луѓе кои ќе треба да работат.
Инаку, во обид да допрат до „помладата публика“, кралската двојка го покани Франсис Буржуа, ѕвездата на ТикТок, да патува заедно со нив во трамвајот. Тој пред преку 2,9 милиони следбеници на социјалниот медиум, објави урнебесно видео во кое се појавуваат Кејт и Вилијам.
@francis.bourgeois The Elizabeth Line sprint at Tottenham Court Road is quite enjoyable once you get used to it! #trains
