Пејачката Кели Роуланд направи скандал на Канскиот филмски фестивал, на премиерата на францускиот филм „Марчело Мио“. Таа е фотографирана како жестоко се кара со член од обезбедувањето додека одела на црвениот тепих.

Кели за оваа прилика облече елегантен црвен фустан, но наместо со нејзиниот изглед, вниманието го привлече со нејзиното однесување. Имено, додека таа се качувала по скалите кон театарот, влегла во вербална расправија со член на обезбедувањето.

Кели се појавила бесна и кревала прст за да ја опомене жената пред толпата. Од обезбедувањето нешто ѝ кажувале, но пејачката продолжила да се качува по скалите. Засега не е познато што го предизвикало овој конфликт. Ова не е првпат да Кели да го покаже своето незадоволство во јавност.

Кели го напушти шоуто „Тудеј“ овој февруари. Се тврдеше дека се откажала од шоуто со водителката Хода Котб затоа што не била задоволна со нејзината гардероба, што ја поттикнало Рита Ора да се вклучи како замена во последен момент.

Сепак, изворите оттогаш тврдат дека Кели всушност го напуштила шоуто поради „непочитувањето“ на ко-водителката на Хода, Савана Гатри кон неа, која „агресивно“ ја испрашувала за нејзината поранешна колешка Бијонсе, наместо да ја праша пејачката за неа во новиот филм „Меа кулпа’, кој таа требаше да го промовира таму.

Извор за медумите тогаш изјави дека Кели и нејзиниот тим нема да се согласат на интервју кое вклучува прашања за Бијонсе и „Дестинис Чајлд“ бидејќи „таа сака да го остави тоа зад себе“ и да продолжи со нејзината кариера. Но, шоуто „Тудеј“ обично не се согласува дека темите за интервјуа треба да се забрануваат.

ФОТО+ВИДЕО | Сите погледи кон Тамара Калиниќ: Најпознатата српска инфлуенсерка зачекори на црвениот тепих во Кан