Кога Ирина Шајк чекори по улиците на Њујорк, тешко е да се одлучите дали се работи за модно едиторијалско снимање или само за обична прошетка. Овојпат, супермоделот повторно докажа дека за неа тротоарот не е ништо помалку од модна писта.

Една од, според многумина, најубавите жени на денешницата, 39-годишната руска манекенка Ирина Шајк за последната прошетка по улиците на Њујорк избра фустан со шлиц од најновата колекција на шпанскиот гигант Манго, кој веднаш го подигна модниот радар и тоа не само затоа што потсетува на долна облека, туку затоа што на ваквите модели есенва им припадна титулата на најбарано парче облека.

 

View this post on Instagram

 

A post shared by ISBR PHOTOS • FANSITE (@shaykphotos)

Додека повеќето би се одлучиле за елегантни салонки, таа го комбинираше фустанот со чизми до колена од Maison Margiela, создавајќи изглед кој зрачи со кул бунтовност и ги поместува границите на уличната мода. Впрочем, Ирина е позната по тоа што сака да ги зачини своите модни комбинации со „невообичаени“ обувки.

Големата црна чанта, часовникот на раката и преголемите очила за сонце беа доволни за целата комбинација да добие дополнителен, несекојдневен моделски шмек.

Ирина мајсторски ја комбинира безвременската елеганција со смели, модерни детали, градејќи го својот препознатлив стил кој често балансира помеѓу класичната женственост и опуштената бунтовност.

Нејзината способност секое парче, без разлика дали е хит од брендови како фустанот од Мангo или луксузно дизајнерско парче, да го претвори во модно доживување, ја прави вистинска инспирација. Таа често си игра со контрасти, комбинирајќи сатенски материјали со погруба кожа, сензуални кроеви со робусни обувки или едноставни парчиња со впечатливи модни додатоци.

Овој пристап не само што ги освежува класичните трендови, туку и ја потврдува нејзината позиција како бестрашна модна икона која секогаш ги поместува границите и поставува нови стандарди во уличната мода.