Пејачката Џеси Џеј (37) неодамна го одржа својот последен настап пред да одлучи да се повлече од сцената поради сериозни здравствени проблеми, пишува „Индепендент“.

Откако ѝ беше дијагностициран рак на дојка, таа веднаш почна да се бори со болеста. Неодамна беше подложена на операција за отстранување на ракот, а потоа со радост објави дека е излечена.

Сега, сепак, таа повторно заврши во болница – но овој пат со сосема поинаква дијагноза.

„Како ги поминав последните 24 часа… Шест недели по операцијата се вратив на истото одделение. Не беше очекувано, ниту планирано. Имав и сè уште имам симптоми што укажуваа на тромб во белите дробови. Фала му на Бога што не е згрутчување на крвта“, напиша пејачката.

Џеси објасни дека лекарите направиле серија тестови кои покажале дека има инфекција и мала количина течност во белите дробови. Точната причина за инфекцијата сè уште не е позната и таа ќе продолжи да прави дополнителни тестови во болничи услови.

„Тешко ми е да дишам, но ме отпуштија синоќа. Мразам да сум во болница“, искрено призна таа, додавајќи дека нејзиното тело јасно ѝ сигнализирало да забави.

ВИДЕО | Џеси Џеј го одржа последниот концерт пред да почне со терапијата: „Ќе го победам ракот на дојка!“

ФОТО | Пејачката Џеси Џеј соопшти дека го победи ракот