Македонските ракометари Марко Митев и Никола Костески се на добар пат кон целосно заздравување по успешно изведените хируршки интервенции од страна на д-р Михајло Ивановски, искусен трауматолог, под менторство на реномираниот д-р Иван Василев – меѓународно признат експерт со долгогодишно искуство во областа на ортопедската трауматологија.

Митев, еден од најдобрите македонски репрезентативци, се здоби со тешка повреда на коленото во квалификациите против Словенија.

А Костески имаше реконструктивен зафат на Ахиловата тетива поради нејзина руптура.

Операциите беа успешни и поминаа без компликации, а сега следува важната фаза на рехабилитација, со цел што поскоро да се вратат на ракометните терени.

Алкалоид го продолжува својот успешен настап во ЕХФ Европскиот куп без еден од своите најдобри играчи Митев и десното крило Костески. Потсетување, во полуфиналето тимот на Кирил Лазаров го очекува двомеч против норвешкиот Рунар Сандефјорд, а првиот дуел е на 20 април во „Автокоманда“ – Скопје.