Во шумата Палупуах во областа Агам во Западна Суматра, Индонезија, процвета најголемиот цвет на светот – рафлезија арнолди.

Многумина ја искористија можноста да му се восхитуваат на овој џиновски цвет, како и да го фотографираат. Овој цвет може да порасне до 0,9 метри и да тежи до 6,8 килограми, пренесува „Анадолу“.

Тоа е паразитско растение, без видливи лисја, корени или стебло. Нема хлорофил и не врши фотосинтеза, но прима вода и хранливи материи од други растенија. Кога цвета, испушта одбивен мирис, сличен на расипано месо, кое привлекува инсекти кои ги опрашуваат растенијата.

Шумата Палупух се наоѓа на надморска височина од 975 метри, со температури од 18-20 степени Целзиусови.

Според Агенцијата за зачувување на природата на Западна Суматера (БКСДА), има 36 места каде расте овој загрозен цвет во провинцијата Западна Суматра.