Американската манекенка Кендал Џенер го привлече вниманието на јавноста кога неодамна на Инстаграм објави фотографии од музејот Лувр во Париз.

А, целата ситуација немаше да покрене лавина од коментари доколку манекенката не ги искористила своето име и парите за да го посети историскиот музеј навечер (кога е затворен за јавноста).

Како што можете да видите, Кендал се фотографирала пред познатата слика на ренесансниот уметник Леонардо да Винчи – „Мона Лиза“, а овој потег привлекол голем број нејзини следбеници на социјалните мрежи.

На првата фотографија таа позирала боса пред „Свадбата во Кана“ на Паоло Веронезе, а на другата се наведнала поблиску додека имала непроценлив приватен поглед на „Мона Лиза“.

Кендал, облечена во проѕирно здолниште од тил под кое се гледале црните гаѓи и со босите стапала во преден план, предизвика многу негативни коментари

И додека некои пишуваат пофалби за нејзината убавина и естетиката на фотографиите направени во Лувр, други го критикуваат нејзиното арогантно однесување.

„Сфаќаме. Толку си богата што можеш да платиш Лувр да се отвори на полноќ за да можеш боса да шеташ низ историските ходници“, „Кога имаш пари, можеш сè. Дали ова се нарекува „привилегија“? , „Дали го изнајмивте цел музеј? Не гледам луѓе околу вас?“, „Да се ​​оди бос е толку непочитување кон уметноста. Со пари не се купува класа“ се само дел од коментарите…

Кендал Џенер и НБА ѕвездата Девин Букер раскинаа по двегодишна врска

ФОТО | Кендал Џенер во проѕирна маица ги прошета голите гради