Вечерва се случува свеченото отворање на еден од најгламурозните настани откако постојат шоу-бизнисот и „подвижните слики“. Започнува 78-от Филмски фестивал во Кан и сите ѕвезди во наредните денови ќе „паѓаат“ на брегот на еден од најубавите градови на Француската ривиера. А она што се случува на Кроазета, пред објективите на фотографите, е исто толку важно како и натпреварувачкиот дел. Толку важно, што дури и британската принцеза Дијана во една (и единствена) прилика присуствувала на познатиот фестивал.

Тоа било во 1987 година, во текот на 40-тото издание на фестивалот. Леди Дијана и принцот Чарлс поминале вкупно 10 часа во Кан, а секоја минута била внимателно испланирана. Тие се сретнале со бројни познати имиња, ја промовирале британската филмска индустрија, присуствувале на премиерата на филмот „Августовски китови“, се појавиле на свечената вечера. Секако, тие прошетале и по црвениот тепих. Вртоглаво, но ефектно.

 

View this post on Instagram

 

A post shared by @thewindsorsfamily

Принцезата Дијана немала проблем да ги засени најбараните актерки од таа ера. Во ова ѝ помогнала и една од нејзините омилени модни дизајнерки, Кетрин Вокер, чии модели сега со задоволство ги носи дамата која ја наследи титулата принцеза од Велс, Кејт Мидлтон. Спектакуларниот фустан од тил, кој влезе во сите модни енциклопедии, всушност беше почит кон друга принцеза, филмската дива Грејс Кели, односно креација на Идит Хед, која ја носеше во филмот „Држете го крадецот“ во 1955 година.

 

View this post on Instagram

 

A post shared by Vintage Icons (@vintageic0ns_)

Најголемиот дел од љубовниот трилер на Хичкок е снимен на Азурниот брег. Истата година, додека престојувала во Кан како почесна гостинка на фестивалот, убавата актерка Грејс Кели го запознала својот иден сопруг, принцот Рение од Монако.

 

View this post on Instagram

 

A post shared by Old Movies (@goldennagefilms)

Фустанот на принцезата Дијана бил малку посветол, во леденосина нијанса и без прерамки. Грејс го носела шалот преку рамената, додека леди Дијана го завиткала својот околу вратот и го пуштила да паѓа по грбот. Шалот елегантно по неа се веел на ветрот додека таа одела по црвениот тепих. Принцезата Дијана го комплетирала стајлингот со рамни, бебешко сини чевли, дијамантски обетки со голем аквамарин коишто често ги носела и со белегзија.

Со романтичниот син фустан, во кој многумина потсети на Пепелашка, леди Дијана го потврди својот статус на принцеза и икона на стилот.

 

View this post on Instagram

 

A post shared by Princess Diana (@dianaforeverremembered)