Во судскиот процес против американскиот музички могул Шон Комбс – Диди, јавноста беше изненадена од неочекуван доказен материјал што одбраната го достави до судот – црно-бела фотографија на која се гледаат пејачката Ријана и тенисерката Серена Вилијамс, облечени во костими за капење, како лежат на кревет под огледало поставено на таванот. Покрај нив е и трета жена, за која се претпоставува дека е Каприкорн Кларк, поранешна асистентка на Комбс.

Фотографијата, според пишувањата на странските медиуми, датира од 2012 година, а наводно била дел од обемна преписка преку пораки што Каси Вентура, поранешната партнерка на Комбс, му ја испраќала во текот на нивната врска. Кларк сведочеше дека токму во тој период била отпуштена од работа за време на заедничко патување со Ријана.

Иако ниту Ријана, ниту Вилијамс не се поврзани со обвиненијата што се изнесуваат против Комбс, меѓу кои се присила, психолошка манипулација и организирање на таканаречени „необични сексуални средби“, фотографијата беше приложена како дел од стратегијата на одбраната да ја прикаже Каси како доброволен учесник во, како што наведуваат, „интензивна и нестандардна љубовна врска“.

#SerenaWilliams and #Rihanna pictured in a selfie, lying on a bed at a #diddyparty #DiddyFreakoffs #DiddyTrial #Diddy #SeanDiddyCombs #SeanCombsTrial pic.twitter.com/XMaATXhcFr

— Lilly inLondon (@Lillyin_London) May 28, 2025

Во една од пораките приложени во доказниот материјал, Каси му напишала на Комбс: „Во вторник одам на необичен настан! Ова се сите нешта во кои сакам да бидеш покрај мене. Хаха“.

Обвинителството, пак, тврди сосема спротивно. Тие велат дека Каси била емоционално и психички подложена на манипулација, како и дека во текот на 11-годишната врска била присилувана да учествува во групни сексуални односи, за, како што изјави, „да се одржи мирот“ во нивната врска.

„Сакам да биде необуздано“, стои во една друга порака.

„Сакам секогаш да биде како првиот пат“, пишува таа во следна.

Адвокатскиот тим на Комбс ги искористи овие пораки за да ја оспори веродостојноста на обвиненијата, велејќи дека Каси била љубовно и емоционално поврзана со обвинетиот. Меѓу приложените пораки има и такви што гласат: „Ми недостасуваат нашите љубовни попладневни моменти“.

Но, Каси во судница рече дека овие пораки не ги одразуваат нејзините вистински чувства.

„Многу нешта премолчувавме“, изјави тивко пред судот.

Во една порака од 2016 година, по инцидент кој бил снимен од сигурносни камери во хотел и подоцна објавен низ светските медиуми, Кеси напишала: „Не сум крпена кукла. Јас сум нечие дете“. Сепак, само неколку дена по инцидентот, таа повторно испраќала нежни пораки.

Денес, 38-годишната Каси, која вчера стана мајка на своето трето дете, веќе има затворено две судски постапки поврзани со истиот случај.

Шон Комбс, во моментов се наоѓа во притвор. Доколку биде прогласен за виновен, му се заканува казна затвор до 15 години. Судењето ќе продолжи во јуни.