ФОТО | Позната украинска снајперистка се омажи за соборец на првата линија на фронтот
Украинската снајперистка Евгенија Емералд, попозната како украинската Јованка Орлеанка, се омажи за војник што го запознала на почетокот на руската инвазија, јавува „Одеса журнал“.
Препорачано
Евгенија и нејзиниот избраник, соборец Евгениј Стипањук, се венчале во петокот во близина на фронтот во шума во регионот Харков. Датумот на венчавката за нив имал посебно значење – во петокот бил Денот на бранителите, државен празник во чест на ветераните и загинатите припадници на вооружените сили на Украина, а бил и роденден на Стипањук.
View this post on Instagram
Церемонијата ја водел воен генерал.
Двојката се вљубила веднаш по почетокот на инвазијата во Украина, а се свршиле во август.
„Сфаќаме дека секој ден може да биде последен и не сакаме да го одложуваме животот за подоцна“, напишала Емералд на Инстаграм.
На фотографиите што ги споделија на социјалните мрежи, Евгенија носела долга бела венчаница, а нејзиниот сопруг се одлучил за војничка униформа. Наместо цвеќе, невестата во рацете држела класови од пченица.
View this post on Instagram
Фотографиите од својот посебен ден ги споделила на Инстаграм и напишала дека „не можела да замисли поидеална венчавка“.
„Денеска и официјално станав сопруга на војник. Тоа се случи на првата линија на фронтот и генералот на Вооружените сили на Украина ја водеше церемонијата“, напишала таа.
– Ова е посебен ден – има многу причини за славење. Сакам да им честитам на сите бранители. Слава на хероите! Му честитам и на мојот сакан, бидејќи денеска му е роденден. Сега сигурно никогаш нема да го заборави датумот на својата венчавка“, додала Емералд.
View this post on Instagram
Познато е дека пред почетокот на војната, Евгенија Емералд се занимавала со накит. Со почетокот на конфликтот, таа се приклучила на одбраната, а потоа и во полкот на специјалните сили „Сафари“.
