Шон Пен и Валерија Ницов / Фото: AFP / AFP / Profimedia

ФОТО | Повеќе не се кријат: Шон Пен се појави со 34 години помладата девојка на црвениот тепих и ја потврди врската

Шон Пен и неговата девојка, манекенката и актерка Валерија Ницов, викендов дебитираа како пар на црвениот тепих по повод 21. Меѓународен филмски фестивал во Маракеш. И, сите погледи во Мароко и пошироко беа насочени токму кон нив.

Пен (64) се појави во класичен костум и вратоврска, додека Валерија Ницов (30) блесна во црн фустан без прерамки со прекриен преден дел. Сокривајќи ја својата фигура во обемниот фустан, молдавската манекенка со шминката го истакна својот блескав тен.

На 21. Меѓународен филмски фестивал во Маракеш, Пен доби признание на филмскиот фестивал за неговата успешна кариера како актер и режисер.

Фото: AFP / AFP / Profimedia

Инаку оскаровецот и неговата многу помлада девојка се поврзуваат од почетокот на септември, кога беа забележани како страсно се бакнуваат и се држат за раце додека шетаат во Мадрид. Тие потоа беа „фатени“ како се бакнуваат на меѓународниот аеродром во Лос Анџелес на почетокот на октомври. Двојката полета за Париз подоцна истиот месец, каде што беа видени прегрнати додека се шетаа по улиците.

Парот до сега не се огласил во јавноста за нивната врска, а нивното заедничко доаѓање на црвениот тепих, по повод еден ваков важен момент за актерите, е дефинитивна потврда за нивната врска.

Валерија, која потекнува од главниот град на Молдавија, Кишињев, зборува седум јазици и моментално живее во Франција, каде глумеше во хитот на Нетфликс „Емили во Париз“.

Да потсетиме, актерот зад себе има три пропаднати брака. Тој беше во брак со Мадона од 1985 до 1989 година, а потоа во 1996 година се ожени со Робин Рајт, од која се раздели во 2010 година, со која има две деца. Тој по една година брак се разведе од австралиската актерка Лејла Џорџ, која беше 32 години помлада од него.

После тоа, тој беше виден како се забавува со украинската актерка Олга Короткова, 19 години помлада од него, а потоа и со австралиската актерка Натали Кели, 24 години помлада од него.

ФОТО | Шон Пен сочно ја бакнува 20 години помладата девојка Олга

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот