Додека низ чаршијата се зборуваше дека нашата позната водителка и инфлуенсерка Лила се бори со тешка болест, таа се обидуваше секој нов ден да го помине со насмевка на лицето и покрај неизвесната борба.

„Канцерот ми го смени животот но не и мојата вредност. Прв пат зборувам за мојата борба со канцерот, но не да ве траоризирам туку да ви кажам дека го победив тоа зло после година и кусур борба и дека сум тука да помогнам некому заедно да го победиме. Не заборавајте канцерот не е непобедлив !!!! Јас сум доказ!“ – напиша водителката споделувајќи ја насловната на магазинот „Убавина и здравје“.

 

View this post on Instagram

 

A post shared by Lila (@lilafilipovska)

За магазинот „Убавина и здравје“ Лила првпат отворено и непосредно зборува за својата најголема животна битка. Ја задржа насмевката пред камерите, продолжи да работи и да се појавува на настани, секогаш средена и добро расположена. Никој не знаеше што ѝ се случува, освен најблиските. По повеќе од една година исполнета со неизвесност, очекувања, терапии и стравови, омилената ТВ-водителка победнички може да каже дека е здрава! Во битката со канцерот, победникот е Лила!

 

View this post on Instagram

 

A post shared by Lila (@lilafilipovska)

„Се чувствувам одлично, победнички! Последниот пет-скен покажа дека канцерот се повлекол и дека сум здрава! Имам измешани чувства. На моменти се смеам гласно, па ќе ми надојдат солзи… Повеќе од една година бев во постојана неизвесност и сонував за овој момент кога докторите ќе ми кажат: „Лила, во оваа битка ти си победникот!“ За среќа, го дочекав тоа“ – вели Лила за „Убавина и здравје“.

 

View this post on Instagram

 

A post shared by Lila (@lilafilipovska)

„Кога ќе помислев колку многу жени го поминале или го поминуваат мојот пат, си велев дека не морам сега да ги заморувам луѓето со мојот здравствен проблем. Што би се случило кога сите би давале интервјуа за своите проблеми?! Од друга страна, пак, веќе 25 години ја споделувам мојата интима со публиката, раскажувам за моите патувања, препорачувам производи и сметав дека е чесно да кажам дека се соочувам со сериозен здравствен проблем, дека ми дијагностицираа канцер на дојка и дека болеста не избира! Знаете, кога ја слушнав дијагнозата, бев во тотален шок! Можеби и ќе вриснев, но останав без глас“ – вели  Лила за „Убавина и здравје“.

Лила Филиповска: Поминав низ многу бури, преживеав и сега сум посилна

ФОТО+ВИДЕО | Лила го прослави роденденот: Оставам претешка година зад себе, научив дека секој ден е борба

ФОТО+ВИДЕО | Лила го посети семејството во Шведска: Кога по години ќе се вратиш во родниот град