Светските обложувалници и тениските експерти сметаат дека најдобриот тенисер на светот Новак Ѓоковиќ е главниот фаворит за златниот медал на Олимпијадата во Токио.

Аргентинскиот тенисер Хуан Мартин дел Потро испрати порака до српскиот ас. Дел Потро беше подобар во 2012 година во мечот за бронзата во Лондон, а четири години подоцна и во Рио де Жанеиро во првото коло после кое Ѓоковиќ го напушти теренот во солзи, а сега му испрати порака:

– Ќе те гледам! Овојпат имаш шанса, пријателе – напиша Дел Потро.

И годинава Ѓоковиќ се наоѓа во одлична натпреварувачка форма, ги освои грен слем турнирите „Австралија опен“, „Ролан гарос“ и неодамна „Вимблдон“, а сега го лови олимпиското злато во Токио.

– Чест ми е што ќе играм за мојот народ и мојата земја на Олимписките игри! – напиша Ѓоковиќ на социјалните мрежи.

Del Potro's is the kind of teasing I can get behind. #Tokyo2020 https://t.co/RWAGVM5q6o pic.twitter.com/MF2xOxcwon

— Ana Mitrić (@ana_mitric) July 20, 2021

Ѓоковиќ пред тргнување за Токио: Златниот медал на ОИ е една од целите за оваа година