По гласините за крајот на нивната љубовна романса, манекенката Ирина Шајк и спортската ѕвезда Том Брејди повторно беа „уловени“ заедно, во Мајами, пишува „Пејџ сикс“.

Како што може да се види на фотографиите кои ги објавија странските медиуми, Том ја чекал Ирина во својот автомобил пред хотелот во кој манекенката престојувала изминатите неколку дена.

Манекенката е видена како влегува во автомобилот на Брејди, облечена во кратка бела маица и фармерки со низок струк, а Брејди е забележан во едноставна модна комбинација носејќи сина капа и тегет поло-маица.

Двојката подоцна присуствувала на приватната забава која била организирана од Леонардо Дикаприо, за време на меѓународниот саем за уметност „Арт Базел“. Меѓутоа, како што дознава „Пејџ сикс“, двајцата се држеле на дистанца и делувале незаинтересирано.

„Брејди кратко беше на забавата и се поздрави со неа, но се поздрави и со многу други луѓе“, изјави извор за „Пејџ сикс“.

Изворот додаде дека Брејди е во врска со други жени по неговиот развод со манекенката Жизел Бундшен во октомври 2022 година.

Tom Brady spotted picking up Irina Shayk from her hotel during Art Basel Miami https://t.co/85rKphcHxN pic.twitter.com/BxRZPqbOFF

— Page Six (@PageSix) December 10, 2023

За потсетување, ѕвездата на НФЛ и манекенката првпат ги поттикнаа гласините за врска уште во мај оваа година. Иако нивната романса во тоа време не беше потврдена, тие двајца беа фотографирани во автомобил во јули кога Том Брејди ја милуваше Ирина Шајк.

Во меѓувреме, Шајк извесен период се посвети на својот поранешен партнер Бредли Купер и нивната ќерка Леја. Медиумите во октомври објавија дека Брејди и Шајк раскинале затоа што тој сакал да се посвети на своите деца и работата.

ФОТО+ВИДЕО | Заедно го бодреа Новак: Јелена во беспрекорно издание, а покрај неа еден од најголемите спортисти во историјата!

Џиџи Хадид и Бредли Купер имаат „љубовно скривалиште“: Tајно се гледаат во домот на позната пејачка