Една од најпознатите учеснички на музичкото шоу „Музички идол“ за Србија, Црна Гора и Македонија, која во втората сезона го освои второто место, пејачката Ноне Неделковска, го прослави својот 39-ти роденден. Иако јавноста ја запозна преку музиката, животот ја однесе на едно поинакво патување, таа со години работи на крузери и патува низ светот.

Ноне на социјалните мрежи сподели колаж од фотографии и откри дека досега има посетено дури 75 земји. Во емотивната објава таа напиша дека токму патувањата ја направиле посреќна и побогата личност:

„39 денес. Благословена сум што посетив 75 земји, прво преку мојата музичка кариера, а потоа работејќи на крузери – најдобрата одлука во мојот живот! Светот ми даде повеќе од само знаменитости – ми даде лекции, перспективи и подлабока љубов кон луѓето насекаде.“

 

View this post on Instagram

 

A post shared by Nona Nedelkovska (@nona.nedelkovska)

Неделковска призна дека ниту една фотографија не може да ја долови магијата на она што го видела и доживеала. Патувањата, како што вели, ѝ ја промениле душата, ѝ го прошириле хоризонтот и ја направиле подобра личност.

Со поглед свртен кон иднината, Ноне сподели и еден личен сон – остатокот од светот да го истражува заедно со својата посилна половина и ако Бог даде, со своите деца.

„За авантурите зад мене и за оние што сè уште ме чекаат“ заврши таа.

На овој нејзин посебен ден, публиката и пријателите ѝ испратија искрени честитки, со желби за уште многу патувања, музика и исполнети соништа.