На вицепремиерот и министер за транспорт Александар Николоски, како функционер со највисока позиција во власта, денеска во Штип му ја дадоа честа да ја пресече џиновската пастрмајлија подготвена за годинешната манифестација „Пастрмајлијада“, а тој со фотографиите од свечениот чин се пофали на „Фејсбук“.

Како што може да се види од фотографиите, откако мирно ја отслушале државната химна и се поздравиле со присутните граѓани, вицепремиерот, заедно со домаќинот – градоначалникот на Штип, Иван Јорданов, и повеќе други пратеници и функционери од ВМРО-ДПМНЕ, заеднички се наредиле во првиот ред за пробување на вкусниот штипски специјалитет.

Годинешната „Пастрмајлијада“ трае до утре, кога на градскиот стадион во Штип ќе настапат Дино Мерлин, Владо Јаневски и Елена Ристеска, а Општина Штип, која го организира настанот, очекува до 100.000 луѓе да го посетат градот.

Општина Штип урна ѕид од стадионот за концертот на Дино Мерлин, се очекуваат 100.000 луѓе