Актерката Мили Боби Браун и синот на легендарниот музичар Џон Бон Џови, Џејк Бонџови, споделија моменти од нивната раскошна венчавка. Двојката се венча тајно во мај, а во средата сподели фотографии од прославата, која се одржа во вилата Цетинале во Италија.

На својата втора прослава, младата актерка носеше дури четири различни дизајнерски невестински фустани, пишува „Пејџ сикс“.

„Секогаш и засекогаш твојата сопруга“, напиша Мили на Инстаграм покрај серија фотографии од нивниот посебен ден.

На свадбата беа нивните семејства и најблиските пријатели. Двојката размени завети под голем и бел свод направен од цвеќиња. Актерката ги покажа и двете венчаници кои ги избра за венчавката.

На церемонијата таа носеше прекрасна венчаница од дизајнерката Галија Лахав. Венчаницата беше бела со тантела, а имаше и дел од тул кој можеше да се извади. Заедно со венчаницата таа носеше и долг вел од тантела. За дел од вечерта по церемонијата, таа избра краток бел фустан со длабоко деколте.

Џејк носеше бело палто и кошула, црни свечени панталони и чевли, а носел и црна машна. Џејк сподели и фотографија со својот славен татко, кој беше облечен во истата облека.

На венчавката освен Бон Џови и неговата сопруга Доротеа беа присутни и родителите на актерката. „Тоа беше многу ниска, романтична свадба со нивното потесно семејство покрај нив додека разменуваа завети“, изјавија претходно извори.

ФОТО | „Ти сѐ уште си дете“: Мили Боби Браун се сврши со синот на Џон Бон Џови