Македонските фудбалери Илија Несторовски и Димитар Митровски блеснаа со своите настапи во најновото коло од хрватската Прва лига, заслужувајќи место во идеалниот тим на колото.

Искусниот Несторовски постигна важен гол за Славен Белупо во натпреварот против Истра, кој заврши без победник (1-1), додека Митровски беше херојот на Вараждин, реализирајќи двапати за победата од 2-1 против Локомотива.

Славен Белупо во моментов се наоѓа на четвртата позиција на табелата со 45 освоени бодови, додека Вараждин го следи веднаш зад нив на петтото место со 44 бодови.