ФОТО | Наоми Кемпбел прошета низ Париз со своите деца и го посетија Лувр: „Запознавањето со Мона Лиза беше испонување на сон“
Кога се викаш Наоми Кемпбел и уживаш во супер статус со децении, тогаш сите врати се отворени за тебе, вклучувајќи ја и онаа зад која се крие најпознатиот музеј во светот. Во Лувр се влегува преку премин под стаклената пирамида, а пред него во секое време од денот има долги редици. Познатата манекенка сепак ги прескокна редиците, добивајќи единствена можност да ја посети Мона Лиза вечерта, без гужвите од посетители пред познатата слика.
Препорачано
View this post on Instagram
Како што напиша на Инстаграм, посетата на Лувр ѝ била желба која отсекогаш сакала да ја сподели со своите најблиски луѓе, семејството и пријателите.
Познатата манекенка додала дека „запознавањето со Мона Лиза било врв на вечерта“ во која уживала со своите деца. Бидејќи беа во Париз, градот на светлината, љубовта и модата, се подразбира дека за таква пригода беа облечени во внимателно одбрана облека.
Наоми остана во француската престолнина по неодамнешната модна недела, веројатно сакајќи да ги запознае децата со знаменитостите на метрополата. Лувр е секако една од постојките кои мора да се посетат. Таа во музејот влезе облечена во црно од глава до пети, со шапка со широк обод, а и децата пленеа со својот стајлинг. Девојчето во мај ќе го прослави петтиот роденден, а нејзиниот помал брат во јуни ќе наполни две години. Имињата никогаш не беа објавени.
Долго време се шпекулира дали модната икона ги добила своите деца со помош на сурогат мајка или ги посвоила. Третата опција – природно да стане мајка – не постоеше, и не само затоа што таа веќе имаше 50 години кога нејзината ќерка го виде светот. Таа самата остави простор за разни шпекулации бидејќи не сакаше да открива многу детали, освен најважниот – дека конечно успеала да се види себеси исполнета во најважната улога.
Само еднаш зборуваше за начинот на кој тоа се случило. Во интервју за „Вог“ таа потврди дека ја добила ќерката благодарение на сурогат мајка и дека таа е нејзино биолошко дете. Таа додаде дека „никогаш не барала татко за своите деца“. Таа едноставно ужива да биде самохрана мајка и тоа е најдоброто нешто што ѝ се случило во животот.
