Босанскохерцеговачкиот пејач Божо Вреќо (37) се појави на отворањето на Сараевскиот филмски фестивал.

Контроверзниот пејач прошета по црвениот тепих во прекрасна креација која на многумина им го привлече вниманието.

„Принцот на севдахот“, како што го нарекуваат, носел гламурозен фустан од тул со отворен грб, имал црн турбан на главата, а ниту неговата шминка не останала незабележана. Тој подготвено им позираше на собраните фотографи.

Фустанот што го носел е негова креација.

Пејачот и дизајнер е љубител на волуминираниот тул, а како што вели, секој фустан го продава и парите ги донира во хуманитарни цели.

Со фустанот го комбинирал својот познат црн турбан и црна лепеза со која се ладел во текот на фотографирањето.

Лицето му било украсено со бели бисери, а очите ги истакнал со интензивна црна шминка.

Обожавателите му напишаке мноштво комплименти.

„Каква дива. Секој твој настап на овој фестивал е уметничка приказна со длабока порака“, „Најубав и најхрабар“, „Го освои црвениот тепих“, „Каква легенда“, „Совршенство“, се само некои од многуте коментари.

„Благодарам за сите комплименти минатата ноќ. Фустанот е, како и досега, мој дизајн и мило ми е што ви се допадна толку многу. Секоја година за СФФ тоа би била специјална креација, а она што е најважно од сѐ е тоа што секој од тие фустани е продаден и парите се донирани во добротворни цели, така ќе биде така и оваа година со фустанот“, рече музичарот.