Меган Фокс не се појавува толку често во јавноста, но секогаш кога го прави тоа прави спектакл. Деновиве актерката како и поголемиот дел од холивудската елита престојува во Лас Вегас каде синоќа се одржа Суперболот, а се појави на неколку забави кои се одржаа пред и по самиот спектакл. Но, Меган направи „журка“ и на својот Инстаграм.

Имено, убавата 37-годишна девојка на оваа социјална мрежа сподели серија секси фотографии од хотелот кои ги опиша само со еден збор „Мајка“.

На фотографиите Меган Фокс позира во дводелен комплет во сива боја со кој се упатила на ноќно излегување. Провокативниот комплет се состои од гаќички со црна тантела и корсет со врвка кои го истакнаа бујното деколте на холивудската ѕвезда. Меган го заокружи изданието со длабоки црни каубојски чизми со црвени детали и голема кожна јакна.

Фотографиите собраа преку милион лајкови и бројни реакции од корисниците на Инстаграм – некои се воодушевени, но има голема група на оние кои се згрозени од нејзиниот премногу предизвикувачки стил на облекување кој Меган го негува веќе неколку години.

„Некогаш најубавата жена во Холивуд сега изгледа како стриптизета од Вегас“, „Колку кариерата е послаба, толку повеќе голотија“, „Зошто се деградира вака?“, „Многу убава жена која погрешно инсистира на вештачка сексапилност – не ја прави попосакувана“, „Овие слики се слики на очајна жена која сака внимание, а не самоуверена жена“, се само дел од коментарите.