Метеорит, кој е најголемото познато парче од Марс на Земјата, би можел да достигне цена до четири милиони долари кога ќе биде понуден на аукција во „Сотби“ во Њујорк на 16 јули, објавува Си-ен-ен.

Познат како „NWA 16788“, метеоритот тежи 24,5 килограми и е многу масивен во споредба со повеќето метеорити од Марс, кои се претежно мали фрагменти.

Откриен во ноември 2023 година во оддалечениот регион Агадез во Нигер, NWA 16788 е „монументален примерок“ кој е околу 70 проценти поголем од следниот најголем парче од Марс некогаш пронајден на Земјата.

Исто така е исклучително редок бидејќи досега на Земјата се пронајдени само околу 400 метеорити од Марс.

„NWA 16788 е откритие од извонредно значење, најголемиот метеорит од Марс некогаш пронајден на Земјата и највредниот од ваков вид некогаш понуден на аукција“, изјави Касандра Хатон, потпретседателка за наука и природна историја во „Сотбис“.

Метеоритите се она што останува кога комета, астероид или метеороид ќе преживее минувајќи низ атмосферата на Земјата.