Едно нешто што не можете да го знаете со гаранција кога одите на одмор е времето – освен ако не престојувате на италијански остров.

Елба, покрај брегот на Тоскана е остров каде толку се уверени во своето сончево небо што им нудат на посетителите враќање на парите за нивниот хотелски престој ако врне дожд за време на нивниот одмор.

Овој медитерански остров гарантира дека нема да врне, а доколку врне, хотелот во кој ќе престојувате ќе ви ги врати парите за сместувањето.

Кампањата „Елба без дожд“ беше започната пред неколку години во мај, при што хотелиерите им ветуваат на гостите дека ќе им ги вратат парите за ноќевање доколку врне повеќе од два часа по ред во кој било ден.

Понудата важи само до 31 мај, а потоа од 15 септември до 31 октомври и важи само ако врне повеќе од два часа помеѓу 10:00 и 20:00 часот. Исто така, појадокот и вечерата не се вклучени во повратот на средствата.

Локацијата на овој остров е таква што времето брзо се менува и се појавуваат силни ветрови кои ги носат облаците пред да падне дожд. Дури и ако почне да врне, ретко врне долго време.

„Во последните пет години, во април и мај, имавме само два дена со повеќе од два часа дожд во текот на денот“, изјави за „Њујорк тајмс“ Клаудио Дела Лусија, помошник-менаџер за туризам на островот.

Островот Елба, кој се наоѓа веднаш до брегот на Тоскана во Италија, е еден од најголемите италијански острови и е дел од Националниот парк Тоскански архипелаг.

Покрај прекрасните медитерански плажи, Елба е позната и по своите импресивни тврдини и минерални бањи.

Оваа година, 14 објекти на островот учествуваат во кампањата „Елба без дожд“, од луксузни хотели до кампови. Треба да испратите мејл, да побарате понуда „Елба без дожд“ и да го резервирате вашето сместување. За да добиете поврат на средства за сместување во случај на дожд, мора да врне два часа или повеќе помеѓу 10 и 20 часот.