Румер Вилис, ќерката на Брус Вилис и Деми Мур, ги изненади обожавателите со нови фотографии на кои позира во исто бикини како што носеше нејзината мајка во култниот филм „Стриптиз“ од 1996 година. Деми во филмот го играше ликот Ерин Грант, а Румер, која тогаш имаше 7 години, во филмот ја играше нејзината ќерка Анџела.

Румер сега реши да ја покаже својата витка линија во светкавите златни бикини кои Деми ги носеше во филмот. Покрај бикини таа носеше очила за сонце и црни потпетици. Судејќи според фотографиите, актерката не била шминкана, а позираше на неколку фотографии со ќерката Луета Исли, која наскоро ќе наполни две години.

Rumer Willis slips into mom Demi Moore’s iconic gold bikini from ‘Striptease’ — almost 3 decades later https://t.co/cBpaAZVAU9 pic.twitter.com/7qFU7lXysm

— Page Six (@PageSix) March 6, 2025

Филмот „Стриптиз“ тогаш беше доста контроверзен, а минатата година Деми проговори за сцената што ја снимила топлес.

„Една од најголемите заблуди за мене е дека го сакав своето тело. Реалноста е дека најмногу барав конкретни проекти кои ќе ме поттикнат и ќе ми помогнат да ги надминам моите несигурности со телото”, рекла Деми.

Таа додаде дека отсекогаш била фасцинирана од „провокативни работи“, но не на „сексуален начин, туку работи кои предизвикуваат значајни мисли“.

„Имаше интересен вид на проценка за жена која работеше како танчерка, но идејата беше дека една жена се обидува да се грижи за своето дете на најдобар можен начин“, истакнала таа.

Инаку, Румер глумеше со нејзината мајка пред култниот филм. Една година пред „Стриптиз“ ја доби првата улога во филмот „Сега и тогаш“.

ВИДЕО | Деми Мур не го криеше разочарувањето откако остана без Оскарот: Нејзината реакција го привлече вниманието