ФОТО | На денешен ден почина Фреди Меркјури: Жената која вети дека никому нема да открие каде го погребала, 33 години ја чува неговата тајна
На денешен ден во 1991 година почина британскиот пејач и член на легендарната група „Квин“, Фреди Меркјури. Денеска навршуваат 33 години од смртта на еден од најдобрите пејачи на сите времиња – Фреди Меркјури. Легендарниот пејач на „Квин“ почина од последици на сида на 24 ноември 1991 година.
Препорачано
Еден ден пред да почине, Меркјури му призна на светот дека е заразен со ХИВ, што во тоа време беше табу тема. Но, познатиот пејач во текот на животот имал уште многу тајни, а огромното мнозинство од нив ги знаела една жена. Мери Остин, неговата поранешна партнерка и љубов од неговите млади денови. Тие биле заедно во раните 70-ти години и останале заедно шест години.
View this post on Instagram
Мери Остин му била љубов од младите денови. Познато е дека Фреди бил бисексуалец, но и покрај тоа, тој никогаш не престанал да ја сака Мери. Тие биле свршени додека еден ден не собрал храброст да ѝ признае дека е геј.
– Беше огромно олеснување да го слушнам тоа од него. Се чувствував како тежок товар да е тргнат од мене. Уживав во фактот што можеше да биде искрен со мене. Се разбира, откако зборуваше за тоа, тој беше друга личност. Тој беше како личност што ја познавав во раните години – рекла таа во документарниот филм „Фреди Меркјури – нераскажана приказна“ (Freddie Mercury – The Untold Story), од 2000 година.
– Сите мои љубовници ме прашаа зошто не можат да ја заменат Мери, но тоа е едноставно невозможно. Единствената пријателка што ја имам е Мери, а јас не сакам никој друг. За мене, таа беше моја сопруга. За мене тоа беше брак – рекол Меркјури еднаш за Остин.
View this post on Instagram
Мери останала покрај него и ги чувала сите негови тајни, дури и најголематата. Имено, Фреди пред да почине, побарал од Мери, никој да не дознае каде ќе биде неговата урна со пепел, за никој да не го уништи неговиот гроб, па таа тајна ѝ ја доверил на жената за која секогаш тврдел дека е љубовта на неговиот живот.
Мери никогаш не го предала. Што направила со неговата урна не сакала да им открие ниту на неговите родители. Меркјури ѝ го оставил својот имот во Лондон и 9 милиони фунти готовина. Кога тој починал, таа имала здравствени проблеми и често била по судови поради наследството.
View this post on Instagram
Пред да почине, тој ѝ рекол на Мери дека ќе ѝ остави сè и дека куќата ќе биде голем предизвик, иако таа тогаш не го сфатила тоа.
– Си помислив: „О, Фреди, ти ми остави толку многу и со толку многу товар“. Мислев дека не можам да се справам со тоа. Тој ме предупреди дека куќата ќе биде поголем предизвик отколку што бев свесна. Благодарна сум му што ме предупреди затоа што брзо се соочив со голема љубомора – рекла своевремено Мери, која тешко се справувала со неговата смрт.
– Кога почина, се чувствував како да го изгубив сопругот. Бевме заедно во сиромаштија, во богатство, во болести и во здравје. Единствениот начин да се разделиме беше смртта – рекла таа во една прилика.
Меркјури боледуваше од сида, иако тоа тогаш официјално не се знаеше. До средината на 1991 година, тој веќе бил толку болен што едвај одел.
Повеќе од 1.400 лични предмети на Фреди Меркјури ќе бидат продадени на аукција во Лондон
