Тивката зона ја посетуваат многу креативци, писатели и уметници кои уживаат да бидат „надвор од мрежата“, како и луѓе кои страдаат од електромагнетна хиперсензитивност.

Националната радио тивка зона (NRZZ), или скратено Тивка зона, опфаќа приближно 33.670 квадратни километри на границата помеѓу Вирџинија и Западна Вирџинија и дел од Мериленд во Соединетите Американски Држави.

Во ова рурално подрачје опкружено со планини и шуми, забрането е користење на мобилни телефони, Вај-Фај, микробранови печки и други уреди кои користат радио бранови.

Најголемиот ротирачки радио телескоп

Повеќето предаватели во централниот дел на зоната на Пацификот мора да работат со намалена моќност за да не се мешаат во работата на научниците концентрирани околу опсерваторијата Грин Банк, во која се наоѓа еден од најголемите радио телескопи во светот, пренесува „Пункуфер“.

Овој астрономски уред за примање и мерење на јачината на вселенските радио бранови има „чинија“ со дијаметар од цели 100 метри, а името го добил по починатиот американски сенатор Роберт Си Бирд, кој се залагал за неговото финансирање и изградба.

Овој ротирачки радио телескоп беше инструмент за неколку важни вселенски откритија откако беше изграден и инсталиран во Западна Вирџинија во 2000 година.

Кој живее во тивката зона?

Тивката зона ја посетуваат многу креативци, писатели и уметници кои уживаат да бидат „надвор од мрежата“, како и луѓе кои страдаат од електромагнетна хиперсензитивност. Сепак, на овој простор има огромен број на напуштени куќи и објекти.

Синдромот на електросензитивност или таканаречената алергија на електромагнетното зрачење што го испуштаат гаџетите и веб-страниците, првпат е забележан во триесеттите години на минатиот век, а се манифестира со силни главоболки, промени во дишењето, забрзано чукање на срцето итн.

Просторот каде модерните играчки се забранети изгледа како совршено место за живеење за такви луѓе.