Поп дивата Мадона ги изненади своите бројни обожаватели на Инстаграм. Таа објави фотографии на кои ја покажува својата кафеава коса, што ги шокираше сите оние кои ја препознаваат пејачката по нејзината платинесто руса коса.

Но, за сите оние кои беа загрижени, постои објаснување. „Ми недостигаше мајка ми, па ја повикав“, напиша Мадона, откривајќи дека сепак станува збор за перика, а не за трајна промена на имиџот.

Мајката на Мадона, Мадона Луиз Фортин Чиконе, почина во 1963 година од рак на дојка на 53-годишна возраст. Пејачката во тоа време имала само пет години, а во документарец опишала како се чувствувала по смртта на нејзината мајка.

„Тоа беше едноставно најголемиот настан во мојот живот. Беше како да ми е искинато парче од срцето. Бев принудена брзо да пораснам и да ја разберам смртта на мајка ми, да ги разберам психолошките работи, сè што се случуваше во тоа време. Мислам дека беше премногу за едно дете“, истакна таа.

За потсетување, 66-годишната пејачка неодамна објави фотографии со своето момче Акиме Морис (29), кој го прослави својот роденден во Мајами. „Среќен роденден на мојот омилен Бик. Беше ноќ за паметење“, напиша таа покрај објавата. На една фотографија, тие позираа прегрнати, а Мадона објави и видео на кое ја пее „Среќен роденден“ додека Морис позира пред торта со свеќи.

Гласините за нивната врска се појавија во јули 2024 година кога пејачката објави фотографија со фудбалерот на Инстаграм.