Лорен Санчез и Георгина Родригез го украдоа шоуто во првиот ред на модната ревија на „Баленсијага“, каде што ги покажаа своите блескави прстени вредни повеќе милиони долари. Двете дами седеа една до друга на настанот што се одржа во рамките на Неделата на модата во Париз овој викенд, пренесува „Пипл“.

Санчез, 55, неодамна позната како г-ѓа Безос, носеше масивен дијамантски прстен на левата рака, од омилената дизајнерка на накит за славните, Лорејн Шварц. За таа пригода, таа избра кадифен фустан со отворени рамена и ремен што ја прицврстуваше нејзината половина и кожни чизми со зашилен врв. Изгледот го надополни со полуфатена коса и драматична црна панделка.

 

View this post on Instagram

 

A post shared by Entertainment Tonight (@entertainmenttonight)

До неа, Георгина Родригез (31) имаше два прстени на рацете, вклучувајќи го и вереничкиот прстен што нејзиниот партнер Кристијано Роналдо ѝ го подари во август. Родригез блескаше во црн фустан со длабоко деколте и шлиц до колена, а изгледот го заокружи со пурпурно-кафеав маникир и ѓердан со зелен камен во центарот.

Златарката Лаура Тејлор од „Лорел Дајмондс“ претходно за „Јус Викли“ го опиша прстенот на Георгина како „извонреден дел“ кој се состои од „дијамант со овален крој со тежина од 15 до 20 карати“.

 

View this post on Instagram

 

A post shared by Queen Georgina (@queengeorginagio)

„Централниот камен е опкружен со значителни странични дијаманти, додавајќи уште повеќе сјај и правејќи го веќе импресивниот централен камен уште поголем“, рече Тејлор, истакнувајќи дека накитот можел да ја чини фудбалската ѕвезда повеќе од 2 милиони долари „доколку дијамантот е природен и со исклучителен квалитет во опсегот на бои DF со беспрекорна или речиси беспрекорна чистота“.

Сепак, Нил Дута, извршен директор на „Анџелик Дајмондс“, процени дека каменот е уште поголем – околу 30 карати – и затоа значително повреден. „Прстен од овој квалитет веројатно би вредел помеѓу 3,7 милиони и 4,9 милиони долари“, рече Дута. „Тоа е парче кое може да се спореди со некои од најголемите веренички прстени на познати личности, од Бијонсе до Ким Кардашијан, и по осум години заедно, дефинитивно вредеше чекањето.“

Што се однесува до Лорен Санчез, се проценува дека нејзиниот нов, надграден прстен тежи речиси 45 карати. Аџај Ананд, извршен директор на Rare Carat, изјави за „Пејџ сикс“ во јуни дека каменот е значително поголем од нејзиниот оригинален веренички прстен со розов дијамант од 2,5 милиони долари, за кој се сметаше дека има околу 20 карати.