Фотографијата „Le Violon d’Ingres“ на познатиот американски надреалист Мен Реј од 1924 година можно е да испише историја како најскапата фотографија некогаш продадена на аукција, а се очекува да достигне цена помеѓу 5 и 7 милиони долари на аукцијата на „Кристи“ во Њујорк во мај, пишува „Си-Ен-Ен“.

 

View this post on Instagram

 

A post shared by TheArtandChaos (@theartandchaos)

Мен Реј бил љубител на сликите од Жан-Огист-Доминик Енгр и направил серија фотографии инспирирани од актите на Ингрес. Негов модел била тогашната љубовница Кики де Монпарнас. Со ваквите фотографии Реј го промени претходниот поглед на класичниот женски гол акт.

Негативите од познатата фотографија сега се чуваат во центарот Помпиду во Париз и во музејот Џ. Пол Гети во Лос Анџелес.

 

View this post on Instagram

 

A post shared by Eternal Noir (@eternalnoir)

Реј, вистинското име Емануел Рудзицки, живеел од 1890 до 1976 година. Тој беше важен член на дадаистичкото движење и надреалистичкиот круг на уметници, а неговиот „Le Violon d’Ingres“ е највредниот предмет во колекцијата на Розалинд Герстен Џејкобс и Мелвин Џејкобс, колекционери на уметнички дела кои се мешаа со уметници од надреалистичките кругови.

НА ДЕНЕШЕН ДЕН: Роден е Мен Реј – Таткото на надреалната фотографија и скулптура

„Кристи“ објави дека њујоршката двојка ја купила фотографијата од Реј во далечната 1962 година и дека во мај ќе се најде на аукција заедно со други уметнички дела, фотографии, накит и постери од уметничката колекција што Мелвин и Розалинд ги собирале со децении.