Кралот Чарлс бил примен во болница во четвртокот откако доживеал несакани ефекти поврзани со неговиот третман за рак, објавија од Бакингемската палата.

Монархот бил отпуштен од Лондонската клиника по „краток период на набљудување“, но бил принуден да ги откаже серијата на ангажмани што требало да се одржат овој петок во Бирмингем.

Палатата се обиде да ја намали сериозноста на случувањата со известувањето дека закрепнување на кралот продолжува во позитивна насока.

BREAKING: King Charles was hospitalized today after experiencing temporary side effects during cancer treatment.

He returned to Clarence House and as a “precautionary measure, acting on medical advice, tomorrow’s diary programme will also be rescheduled.” – Buckingham Palace pic.twitter.com/5R481plz31

— Breaking News Alerter (@BreakingAlerter) March 27, 2025

Се разбира дека несаканите ефекти што ги доживеал кралот биле привремени и не се невообичаени во текот на лекувањето.

Иако не беше планирана, неговата посета на болницата била кратка, а направени се само неколку измени во неговите обврски.

Можноста за промена на некои работни обврски остануваат отворена опција, но државната посета на Италија следната недела, која ќе биде во Рим, сè уште се очекува да продолжи според планираното.

За потсетување, Бакингемската палата објави во февруари минатата година дека на кралот му бил дијагностициран  рак и оттогаш тој е на неделно лекување.

Откако се врати на јавните должности минатиот Велигден, тој продолжи да ја следи целосната програма на настани, вклучително и државните посети на Австралија минатиот октомври.

Кралот честопати со љубов се опишува како работохолик, а полниот распоред со обврски, вели, е „од голема корист за неговата севкупна благосостојба“.