Ева Лонгорија не престанува да воодушевува со својот изглед. Педесетгодишната холивудската актерка моментално е во Кан, каде што воодушевува со своето посебно модно издание, а ништо поинаку не беше ни на последните настани на кои присуствуваше во овој модерен француски град.

Секако, Ева беше главна тема од моментот кога се појави.

Имено, американската актерка на црвениот тепих продефилира во фустан со длабоко деколте во нежно розова боја, без прерамки, кој ја следеше линијата на нејзиното тело. На деколтето имаше кристали во истата нијанса, а креацијата е на Тамара Ралф.

Стајлингот го надополни со ѓердан со розови скапоцени камења од луксузниот бренд „Шопард“ кој е официјален партнер на Канскиот филмски фестивал од 1998 година и креатор на Златната палма.

Ова е трето појавување на Лонгорија на црвениот тепих на овогодинешното издание на фестивалот кое ќе трае до 24 мај.

Ева првпат се појави во Кан пред 20 години и секоја година изгледа сè подобро и подобро, што го докажа и оваа година.