Со недели австралискиот сопственик на расадник, Хемфри Херингтон се обидувал да го идентификува искусниот крадец на растенија, кој упорно ги оштетувал неговите садници, пишува „Би-би-си“.

Хемфри се сомневал дека се работи за избегани кози или пак за некој опосум. Последното нешто што го очекувал е дека еден работен ден ќе наиде на „безобразна“ коала, опкружена со соголени садници од еукалиптус. Таа била зашеметена и прејадена и не можела да се движи.

„Изгледаше како да е сита. Изгледаше многу задоволна од себе“, изјавил Херингтон.

Персоналот на расадникот, сега гради ограда околу нивните садници, која ќе биде отпорна на коалата Клод, за да го спречи торбарот од грицкање на неколку илјади растенија, што сега го чинеше расадникот 6.000 австралиски долари (3.800 долари).

Иронично, растенијата што ги изел Клод, вусшност се одгледуваат за да се зајакнат живеалиштата на коалата во регионот, бидејќи видот е загрозен.

Иако крадецот на растенија бил откриен и Херингтон нежно го завиткал во крпа и го преместил на некои дрвја на околу 300 метри  подалеку од расадникот, тој неколку денови подоцна, се вратил и продолжил со своите ноќни посети.

Но, сопственикот на расадникот не е лут на коалата, всушност инцидентите со малиот крадец му се прилично забавни. Тој вели дека коалите не се баш познати по нивната агилност или генијалност.

„Овде сум 20-ина години и ова навистина не се случило порано. Се прашувам дали има недостиг на храна?“, додал Харингтон.

Инаку, во 2022 година, коалите беа наведени како загрозен вид на територијата на источниот брег на Австралија. Овој торбар некогаш  е опустошен поради расчистување на земјиште, шумски пожари, суша, болести и други закани.

Во 2021 година, истрагата во Нов Јужен Велс откри дека коалите ќе исчезнат до 2050 година, освен ако не се преземе итна акција. Во моментов експертите велат дека има само 50.000 животни оставени во дивината.