ФОТО | Кејт Винслет ја освои првата награда БАФТА: „Да можев да ја пресечам, половина од неа би ѝ дала на ќерка ми“
Наградите на БАФТА (Британската академија за филмски и телевизиски уметности), синоќа беа доделени на гала церемонија во „Ројал Фестивал Хол“во Лондон. Еден од најнезаборавните моменти беше прогласувањето на Кејт Винслет за лауреат на оваа престижна награда, за најдобра актерка, пренесува „Телеграф“.
Винслет беше наградена за нејзината улога во ТВ филмот „I Am Ruth“, дел од трилогијата прикажана на „Канал 4“, за односот на мајката и ќерката наспроти опасностите од социјалните медиуми.
Имено, Винслет глуми со нејзината вистинска ќерка Миа Триплтон, која ја придружуваше на церемонијата, и ѝ се обрати за време на нејзиниот говор за прифаќање на наградата.
„Кога би можела да ја исечам, едната половина би ѝ ја дала на ќерка ми. Успеавме заедно, малечка.“, рекла Винслет за време на емотивното обраќање.
Таа ги пофали актерските способности на нејзината ќерка и објасни дека во филмот „I Am Ruth“ се обработува темата за опасните последици од прекумерната употреба на социјалните медиуми и штетните содржини кои треба да се забранат.
„Филмот е за родители и деца, за семејства кои чувствуваат дека станале заложници на опасностите од онлајн светот, за родители кои сакаат да комуницираат со своите тинејџери, но повеќе не можат, и за млади луѓе кои станале зависни од социјалните медиуми и нивните темни страни“, додадала актерката.