Поминати се 28 години откако големата македонска актерка Анче Џамбазова го напушти овој свет, но нејзиниот лик и дело остануваат вечен белег во македонската култура. Нејзиниот син, Игор Џамбазов, денес на социјалните мрежи ѝ посвети емотивна порака која ги допре срцата на многумина.

„28 години без тебе мајчичке… Те нема, а секаде те има, неизбежно те има, во себе си те носам,“ напиша Игор, споделувајќи стара фотографија од своето детство со својата мајка.

 

View this post on Instagram

 

A post shared by Igor Djambazov (@igordzambazov)

Анче Џамбазова беше една од најпознатите актерки на македонската театарска и филмска сцена, омилена меѓу колегите и публиката. Нејзиниот талент, топлина и посветеност оставија траен печат, а нејзиното име и денес буди длабока почит.

Игор Џамбазов никогаш не ја криеше љубовта и почитта кон својата мајка, често истакнувајќи дека токму таа била неговата најголема животна и професионална инспирација. Со својата последна објава, тој потсети дека љубовта меѓу мајка и син никогаш не исчезнува – таа останува вечна, дури и кога физичката присутност ќе згасне.