Манекенката Емили Ратајковски ги воодушеви своите следбеници со новите, предизвикувачки фотографии кои ги објави на Инстаграм. Многумина очекуваа дека манекенката деновиве ќе присуствува на модната недела во Милано, но изгледа дека сѐ уште не пристигнала.

Сепак, со нови фотографии таа му испрати поддршка на италијанскиот фудбалски клуб Наполи, но во нејзин препознатлив стил.

Дресот на клубот го спои со црни гаќички, а на некои фотографии го подигна дресот и ги покажа дефинираните стомачни мускули.

Илјадници и илјадници фанови ја коментираа нејзината витка линија, а многумина ѝ кажаа дека го носи дресот на нивниот омилен клуб. Коментарите беа исполнети со емотикони од срца, оган…

Инаку, неодамна се појавија гласини дека Емили е во врска со познатиот пејач Шабузи. Прво биле видени во ноќен клуб, каде се држеле за рака, а потоа Ратајковски била видена на неговиот концерт. Таму се обидела да се сокрие од погледите на публиката, облечена во црна модна комбинација, но многумина сепак ја препознале.