На 96-тото доделување на Оскарите, Ема Стоун ја освои втората статуетка во кариерата, за главната женска улога во филмот „Кутри нешта“ (Poor Things). При примањето на наградата таа откри дека има проблем со фустанот.

Ема Стоун (35) доби Оскар на 96-тото доделување на оваа престижна награда, за главна актерка во филмот „Кутри нешта“ (Poor Things). Ова е втор Оскар за Стоун, откако ја доби наградата за најдобра актерка во филмот „Ла Ла Ленд“ (La La Land) во 2017 година. При примањето на наградата, актерката откри дека имала проблеми со фустанот.

– Ми се скина фустанот, мислам дека тоа се случи во текот на изведбата на „I’m Just Ken“. Не гледајте во задниот дел од мојот фустан – призна Ема на сцената со статуетка в рацете, покажувајќи кон задниот дел од нејзиниот фустан од модниот бренд „Луј Витон“.

Песната ја изведе нејзиниот колега од „Ла Ла Ленд“, Рајан Гослинг, кој го глумеше Кен во филмот „Барби“ (Barbie). Иако таа песна беше номинирана и за најдобра оригинална песна на Оскарите, таа награда ѝ припадна на Били Ајлиш за песната „What I Was Made For“ за истиот филм. Тоа беше и единствениот Оскар што го доби филмот „Барби“.

Стоун на доделувањето на наградите се појави во фустан на „Луј Витон“ без прерамки, кој го спои со ѓердан од жолт дијамант од 30 карати.

ВИДЕО | Ал Пачино направи сцена на Оскарите: Го прекрши најважното правило, интернет се вжешти