Холивудскиот актер Долф Лундгрен (67) ја откри тајната за среќен брак со својата млада сопруга Ема (29), со која се ожени во јули 2023 година, среде неговата борба со ракот. Свадбената церемонија беше приватна и се одржа на популарниот грчки остров Миконос.

Ова е негов втор брак по 20 години минати со првата сопруга со Анет Квиберг.

Иако нивниот брак е сè уште релативно нов, Лундгрен има едноставна, но ефикасна стратегија за одржување на нивната врска силна и среќна.

„Ја прегрнувам, ѝ давам голема и убава прегратка десет пати на ден“, откри актерот во интервју за „Фокс њуз“.

 

View this post on Instagram

 

A post shared by EMMA KROKDAL (@emmakrokdal)

Според него, ова неутрализира многу несогласувања и недоразбирања.

„Се обидувам да ја прегрнам неколку пати пред ручек. Звучи едноставно и малку глупаво, но навистина функционира“, додаде Лундгрен.

Актерот објасни дека клучот е секогаш да му давате на партнерот чувство на почит и внимание, дури и кога има несогласувања.

„Кога имате расправии, кога некој сака да биде во право, мора да го натерате вашиот партнер да се чувствува добро, дури и ако не се согласувате“, верува Долф.

Тој исто така истакнува дека фразата „среќна сопруга, среќен живот“ не е само клише, туку е чиста вистина, бидејќи меѓусебното почитување и пофалбите играат клучна улога во секоја врска.

Долф зборуваше и за нивната разлика во годините, нагласувајќи дека Ема, иако е многу помлада од него, се покажала како исклучително зрела жена.

„Чувствувам дека Ема е многу зрела за своите години. Имаше интересен живот, помина низ многу предизвици што повеќето нејзини врсници не ги искусиле“, рече актерот, истакнувајќи ја силата и животната мудрост на својата сопруга.

Да потсетиме дека во ноември минатата година, Долф откри на Инстаграм дека неговата долгогодишна борба со ракот конечно завршила.

„Конечно без рак, со благодарност и возбуда за светла иднина. Ви благодарам за целата ваша поддршка“, напиша актерот.