Џејми Ли Кертис на Инстаграм објави фотографија на која позира без шминка.

„Селфи ‘штотуку излегов од туширање’. Навивам за трендот Памела Андерсон. Само што забележав дека изгледа како да имам маскара, која што очигледно останала од работниот ден вчера. Очигледно не сум ја избришала шминката правилно“, напишала до објавата актерката.

 

View this post on Instagram

 

A post shared by Jamie Lee Curtis (@jamieleecurtis)

Имено, Памела Андерсон веќе некое време во јавноста се појавува без шминка и стана заштитно лице на движењето за природен изглед. Таа претходно изјави за „Ел“ дека престанала да се шминка откако нејзиниот долгогодишен шминкер и пријател Алексис Вогел почина од рак на дојка во 2019 година.

Кертис долго време е поддржувач на Памела и претходно изразуваше восхит за нејзината храброст. Актерките работеа заедно на филмот „The Last Showgirl“, во кој главната улога ја има Памела.

Филмот е сместен во блескавиот свет на Лас Вегас и ја следи Шели, искусна и гламурозна танчерка која мора да планира за иднината кога нејзиното шоу ненадејно ќе се затвори по 30 години настапи. Кертис игра келнерка и посветена пријателка на Шели.

Премиерата на филмот е закажана во Лос Анџелес на 13 декември, а ќе започне да се прикажува во кината низ САД во јануари 2025 година.