Неколку часа откако беше објавена нејзината насловна страница за „Вог“, Џастин Бибер призна дека еднаш ѝ рекол на сопругата Хејли дека таа никогаш нема да се најде на насловната страница на „Вог“. Тој ја сподели нејзината насловна страница и стави емотикони во описот што (веројатно) значат дека е горд на неа, но пред тоа, си ја отвори душата во описот на фотографијата.

„Еј, ова ме потсети на една навистина гадна кавга со Хејли. Ѝ реков дека никогаш нема да заврши на насловната страница на „Вог“. Знам, грдо од мене. Бев повреден, чувствував дека не ме почитува… И помислив дека морам да возвратам“, пишуваше во објавата, пишува „Си-ен-ен“.

Тој додаде дека сега мисли дека „како што созреваме, сфаќаме дека не помагаме ништо со тоа што се одмаздуваме“.

– Мислам дека како што старееш, сфаќаш дека одмаздата никогаш не решава ништо – само го отежнува она што сите навистина го сакаме, а тоа е блискост и поврзаност. Љубов, веќе го знаеш тоа, но сепак – прости ми што реков дека нема да бидеш на насловната страница на „Вог“ затоа што, очигледно, погрешив – напишал Бибер.

 

View this post on Instagram

 

A post shared by Justin Bieber (@justinbieber)

Во вторник попладне, Бибер го замени описот со серија емотикони кои се чини дека сугерираат дека тој сè уште се кае.

Насловната страница на Хејли Бибер за „Вог“ е нејзино прво самостојно појавување на посакуваното модно списание. Таа за првпат се појави на насловната страница во 2019 година заедно со Џастин Бибер, каде што двојката отворено проговори за својата врска во ретко заедничко интервју.