Манекенката Жизел Бундхен е во врска со Хоаким Валенте од 2023 година, а извори блиски до манекенката тврдат дека таа се чувствува „послободно“ откако ја започнала оваа врска. Жизел претходно се чувствувала како премногу долго да живее во сенката на нејзиниот поранешен сопруг, американскиот фудбалер Том Брејди, пишува босански „Кликс“.

Жизел и Том беа во брак 13 години, а нивниот развод следеше во 2022 година. Заедно имаат две деца, синот Бенџамин и ќерката Вивијан.

„Манекенката е благодарна за она што го имаше со Брејди и благословена за нивните деца, но сега се чувствува многу послободна во врската со Хоаким, со кого ужива во новото поглавје во нејзиниот живот“, изјавил изворот.

Манекенката и нејзиниот сегашен партнер, тренерот на џиу-џицу, првпат беа фотографирани заедно во ноември 2022 година во Костарика, а гласините за нивната врска почнаа да се шират на почетокот на 2023 година, кога повторно беа фотографирани заедно на одмор.

ИСКС

На почетокот на февруари 2025 година, тие ги изненадија сите со веста дека го добија своето прво дете. Оваа вест шокираше многумина, вклучително и нејзиниот поранешен сопруг.

„Том знаеше дека работите се сериозни меѓу Жизел и Хоаким, но никогаш не можеше да замисли дека ќе имаат заедничко дете. Тоа не беше на неговиот радар. Кога Жизел му ја соопшти веста, тој, најблаго речено, беше шокиран“, велат изворите.

Иако веста го изненади, Том сепак и честиташе на поранешната сопруга и нејзиниот партнер, велејќи дека се радува на неа и ѝ посака се најдобро во ова ново поглавје од нејзиниот живот, пренесува босански „Кликс“.