Блогерката Наташа Ковачевиќ, позната како Њезванова, често јавно споделува фотографии од приватниот живот на кои се гледа како ги дои децата дома, но и на јавни места.

Доењето во јавност сè уште често е тема на полемика, а црногорската инфлуенсерка Наташа Ковачевиќ покажа дека воопшто нема граници кога станува збор за оваа тема. Таа објави фотографии од крштевката на нејзиниот син и откри дека дури и го доела во црква.

„Ако не сакате или не можете да доите, тоа не ве прави помалку мајка од онаа што дои, но она што е важно и што сакам да го истакнам е: ОБИДИ СЕ! Те молам, обиди се. Мајчиното млекото е незаменливо“, им порачала таа на жените кои во иднина ќе станат мајки, во август кога се одбележуваше Светската недела на доењето.

Нејзината работа е таква што го промовира доењето како чин кој е сосема нормален и смета дека бебето не треба да трпи глад, туку каде и да се, детето треба да цица.

И со оглед на тој став, Наташа го направи токму тоа, и тоа не каде било, туку среде црква и пред свештеникот. Токму овој потег предизвика остри полемики и навреди кон инфлуенсерката.

„О, ти жено божја, врати се во племето твое, со ова доење и вакво споделување на интимност, ќе мораш да замолчиш пред сите и засекогаш“, напишала една корисничка на социјалната мрежа Икс (поранешен Тивтер).

Овој твит беше проследен со лавина други коментари, од оние кои се согласија дека овој потег е одвратен, па сè до мајки кои се со став дека на бебето треба да му се овозможи да добива храна каде и да се наоѓа.

Наташа не гледа ништо спорно во тоа, па одлучила да се огласи по тој повод на социјалните мрежи.

„Интересно е што попот немаше ништо против да дојам пред сите. Господ ми ги дал децата, јас дојдов нему да му се молам да ги чува. Мајчината љубов е најблиску до божјата. Безусловна“, напишала таа и открила дека на попот воопшто не му пречело доењето во црквата.