ФОТО | Четириесет години го мачкала лицето со заштитен крем, но не и вратот: Погледнете го влијанието на сонцето на кожата
Повеќе од 40 години, една 92-годишна жена користела крем за сончање со заштитен фактор, но исклучиво на лицето, не и на својот врат.
Препорачано
Оштетувањата од сонцето можат да се видат на една впечатлива фотографија.
Дерматологот кој ја објави оваа фотографија на Твитер прикажа слика на која јасно се гледа лицето на старицата и како изгледа кожата на местата на кои користела производи за сончање со заштитен фактор. Јасно се гледа помалку збрчканата кожа од оштетениот и збрчканиот врат. Вратот, меѓу другото, е полн и со темни дамни.
Фотографијата била првично објавена во списанието на Европската академија за дерматологија и венерологија во октомври 2021 година, како дел од извештајот за рак на кожата и стареењето како пример за ефектите од заштитата од сонце.
Cheek and neck of a 92-year-old female, who used UV-protective moisturizers on her face but not on the neck for 40+ years.https://t.co/Q8wWxY2tDE pic.twitter.com/FBSswmYxt1
— Avi Bitterman, MD (@AviBittMD) September 2, 2022
УВ-светлината, невидлив облик на сончевото зрачење или вештачките извори како солариум, можат да ги оштетат клетките на кожата и да предизвикаат неповратна промена на бојата на кожата и појава на брчки. Изложувањето на УВ-зрачење е исто така најчест причинител за појава на рак на кожа и секој може да го добие.
За да се избегнат оштетувањата од сонцето, сите – освен бебињата помали од шест месеци – треба да нанесуваат крем со заштитен фактор (СПФ) од 15 или повеќе на сите изложени делови на телото пред излегување надвор, доколку УВ-индексот е три или поголем од три. Колку е поголем факторот на кремот што се нанесува, толку е подобра заштитата од УВ-зраците.
УВ-зрачењето е присутно дури и во текот на зимата и кога е облачно, само во помали количини, така што луѓето треба да носат заштита во текот на целата година, и кога е облачно. да кремите со заштитен фактор треба да се нанесуваат во текот на целата година.
Поминувањето време во сенка, носењето очила за сонце и шешири како и изборот на облека која ја покрива кожата исто така помагаат во заштитата од УВ-зрачењето.
